Messi i ka dhënë lamtumirën shokut të ngushtë, Luis Suarezit mes thumbimeve për kryesinë e Barcelonës.

Lionel Messi ka thumbuar edhe njëherë numrin një të Barcelonës, Josep Maria Bartomeu dhe gjithë kryesinë, teksa i ka dhënë lamtumirën shokut të ngushtë, Luis Suarezit.

Nga sezoni që sapo ka nisur, Suarez do ta veshë fanellën e Atletico Madridit.

“Nuk e ke merituar që të të largojnë në këtë mënyrë se si të kanë larguar, por nuk befasohem më aspak me atë që po bëjnë”, ka shkruar Messi në postimin e gjatë që bëri për shokun e ngushtë, duke i dhënë lamtumirën.

Postimi i plote i Messit ne INSTAGRAM:

“Nuk mund ta besoja ende, por sot kur hyra në dhomat e zhveshjes, e kuptova të vërtetën. Sa e vështirë do të jetë që të mos i ndaj ditët me ty, si në fushë ashtu edhe jashtë saj. Do të na mungosh shumë. Ishin shumë vite, shumë shokë, dreka, darka… shumë gjëra që nuk do të harrohen kurrë, çdo ditë së bashku”.

“Do të jetë e çuditshme të të shoh me tjetër fanellë, edhe më shumë të përballem me ty. Ti e ke merituar të përshëndetesh ashtu siç jeni; një nga lojtarët më të rëndësishëm në historinë e klubit, duke arritur gjëra të rëndësishme si në kolektiv ashtu edhe individualisht. Dhe jo për të dëbuar siç bënë ata. Por e vërteta është se në këtë pikë asgjë nuk më habit më”.

“Të dëshiroj më të mirat në aventurën tënde të re. Të dua shumë, ju dua shumë, shihemi së shpejti shoku im”. /Gazeta Express/